احاسيس حلا
اهلا وسهلا زائر منتدى: احاسيــــــــــــس
نورت او نورتي المنتدى طبعن بعد نوري ههههه
نتشرف بانظمامك لأسره المنتدى

نرجو منك التسجيل ان كانت هذي هي زيارتك الاولى


مدير عام المنتدى :: عبود مجنونك


ملاحظه هامه الرقم السري يجب احرف انجليزه وارقام

البريد الاكتروني للموقع :: 36rq8-ibda3@w.cn

احاسيس حلا

احاسيس حلا منتدى ثقافي علمي ادبي رياضي مدير المنتدى عبود مجنونك’ البريد الاكتروني للموقع 36rq8-ibda3@w.cn
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 جرحني وصار معشوقي (الجزء الثامن)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احساس عاشق
عضو
عضو
avatar

ناديك المفضل : زعيم نصف الارض^_^
عدد المساهمات : 24

شكر من الاداره : 0

تاريخ التسجيل : 13/01/2011
العمر : 27

مُساهمةموضوع: جرحني وصار معشوقي (الجزء الثامن)   الجمعة مارس 25, 2011 5:52 pm


ريم قامت :جابك الله،،،خذنا للمستشفى
فيصل يناظر ساعته:بس لسى مو وقت زياره
ريم:لالا ولايهمك الدكتوريعرف أبوي وراح يسمح لنا ماعليك
فيصل :أوكيه يالله
رغد ترفع جوالها:اصبروا بدق ع عموري استأذن منه
ريم:يالله بسرعه دقي ع عمورك
ضحكت رغد ودقت ع عمر واستأذنت منه
دخلت ريم معاها عبايتها:ها وش قال عمورك
رغد:أكيد وافق
ريم تلبس عبايتها:أيوه قلتي له من الكلام المعسول وتبينه مايوافق
رغدحمر وجهها:قلييييلة أدبب
ريم:ههههههه
فيصل:أقول ترى بمشي
رغدقامت بسرعه:لحظه بلبس عبايتي
فيصل وكأنه تذكرشئ وقف ولف:ريم تعالي لميس وين بتنام
ريم تستهبل:يعني وين معك في الغرفه
فيصل فتح عيونه وريم ضحكت:أقول شوي شوي لاتطلع عيونك
عاد تبيهامن الله
فيصل انحرج:أقول انطمي أقصد بتنام معك وإلا أبوي بيحط لها غرفه
ريم:لا بتنام معي لين يحط لها غرفه
فيصل:طيب يالله امشوا
في المستشفــــى
لميس طلعت من الحمام وتحس بملل وطفش"أف متى يجي العصر تجي ريم والله إنهاحبوبه حبيتهاكثير"
تمشت في الجناح لأن أبو رعد مارضى إلا تكون في جناح خاص
سمعت صوت الباب ولفت لقت ريم ومعاها ورغد دخلوا:السلام عليكم
لميس ابتسمت بفرح:وعليكم السلام
ضمتها ريم:كيفك اليوم
لميس:تمام الحمد لله
ريم :ليش قايمه من السرير
لميس:طفشت منه
رغد:إحم،،إحم،نحن هنا
ريم ضحكت:سوري،نسيت أعرفك هذي رغد
لميس ابتسمت وسلمت عليها
دخل فيصل:إحم،،إحم،السلام عليكم
لميس ابتسمت لماشافت فيصل لأنهالماتشوفه تشوف عمرها اللي فقدته(رامي)
جلست ع سريرها وجنبها ريم
فيصل:كيفك اليوم
لميس:تمام الحمد لله
رغد جلست ع الكرسي:إجلس فيصل ليش واقف
ابتسم:لا سوري عندي كم شغله لازم أخلصها،،،تامرون ع شئ
ريم:سلامة قلبك
فيصل بضحكه:والله لو عارف إني لماأجيبك للميس يطلع منك كل هالكلام الحلو كان جبتك كل ساعه
ريم تخزه:أجل ضف وجهك
فيصل:هههههه هذي ريم اللي أعرفها
ضحك وطلع ولميس ورغد ضحكوا وريم إغتاضت
سولفوا مع بعض وانبسطوا لميس انبسطت مع رغد لأنها تنحب مثل ريم بس رغد خجوله وثقيله شوي مو مثل ريم راعية استهبال
بعد وصول أبو رعد والباقي طبعا غير رنا طلعت لميس معاهم للبيت
****************
انبهرت لميس من روعة البيت وتصميمه وذوق الرائع في ترتيب الأثاث واختياره
دخلت غرفة ريم وعجبتها الغرفه لونها وردي وكبيره أثاثها فخم وراقي وفيها غرفة ملابس مفتوحه ع الغرفه وحمام
ريم:ها إن شآءالله عجبتك غرفتي
لميس بابتسامه:روعه
ريم:عاد اللحين صارت غرفتنا خذي راحتك فيها
لميس:بس أخاف أثقل عليك
ريم:لا تقولين كذا إنتي بنت عمي وفي عيوني وأنا أبغاكي تشاركنيي فيها علشان ننبسط مع بعض
ضمتها لميس بصوت مخنوق:Thank you Reem
أبعدتها ريم عنها:هذا وقت أفلام هنديه(وبتهديد)وترى شوفي إذابتقضينها معاي أفلام هندي ترى برجع في كلامي
ضحكوا وجت عندهم الخدامه تخبرهم ينزلوا تحت
دخلت لميس للحمام تاخذ شور ولماطلعت لقيت ريم مجهزه لها ملابس من ملابسها انحرجت لأنها ماتقدر تلبس ملابسها اللي كانوا عليها ومامعاها غيرهم أخذت اللبس وشافت فيه الإسكترات يعني اللبس جديد لبستهم وكانوا تنوره لنص الساق بنيه مكسره وبلوزه بيضاء عليها كتابات بنيه بأكمام طويله استحت تنزل وجلست ع السرير
دخلت ريم:واو و و و يهبل عليك
لميس باحراج:مشكوره ريم بس أنا إبغى أروح لبيت أم هدى بجيب ملابسي وأغراضي مابغى أثقل عليك زياده
أمل:أقول عطيني بنت عمي أسلم عليها
ريم:وش دعوه قولي كيفك أخبارك مو ع طول سحبتي علي
أمل بعناد:مثل ماسحبتي علي ولاحتى بمسج أنا بسحب عليك ويالله عطيني لميس
ريم تمثل الصدمه:وللللللل كل هذا في قلبك
أمل:وأكثر،ويالله عطيني لموس حبيبتي
ريم :وجع أمداكي تحبينها وأنتي مابعد شفتيها
أمل:أيوه كيفي،عطيني أكلمها
ريم:طيب طيب
مدت ريم الجوال للميس:خذي كلمي أمل بنت عمك ناصر
أخذت الجوال وهي خجلانه:hello ‎
أمل:هلا ببنت عمي كيفك
لميس ابتسمت:تمام إنتي كيفك
امل:تمام،الحمد لله ع السلامه وسامحيني لأني مازرتك في المستشفى
لميس ضحكت:ههههه الله يسلمك،معذوره
أمل:بس ولا يهمك بزورك أن شآءالله بكره
لميس:حياكي
سولفت معاهاشوي وسكرت
ريم أخذت الجوال:وشرايك فيها
لميس:شكلها حبوبه بس كم عمرها
ريم :في مثل عمرنا سنه وعندها خوات (تعد بأصابعها)رهف وعمرها في مثل عمر رغد وزواجها قريب
وسار سنه وعندها إخوان شباب خالد ورائد والصغير ياسر
لميس ابتسمت:ماشاءالله
ريم نزلت من السرير وجلست جنب رغد ع الكنب:لميس تعالي اجلسي بكلمك
راحت لميس عندها وجلست:تفضلي
ريم متردده:امممم أناسمعت إن عندك أخ متوفي صح
لميس تغير وجهها بحزن:أيو في عمر فيصل تقريبا
ريم:في حادث سياره مع امك
لاح قدام لميس صورة رامي محترق غمضت عيونها تبغى تطرد صورته من راسها كان شكله يروع جثه سوداء من الحريق نزلت دموعها وغطت وجهها بإيدها تبكي
انصدموا البنات ورغد ضمت لميس وتطالع ريم بنظرات توعد
:خلاص ياقلبي أهدي
ريم تلعثمت ماتدري وش تقول ماكانت عارفه إن ذكرهم يبكي لميس كان متوقعه إن هالشئ مارح يأثر فيها متوقعه إنها تعايشت مع الأمر لأنها ماكانت عارفه إن موتهم بالصوره البشعه هذي موحادث سياره
ريم :أ...سوري لميس ماقصدت أبكيك آسفه
لميس ابعدت عن رغد تمسح دموعها:I'm Sorry ‎
ريم تحاول تغير الجو:تعالوا ننزل للحديقه وش رايك لميس
قامت لميس:ok بغسل وأنزل
دخلت للحمام وريم ورغد نزلوا ورغد تلوم ريم وريم تبرر إنها ماقصدت تضايقها
في غرفة رنا
رنا تكلم دلال و جالسه ع كرسي المكتب تدورفيه وتضحك
: هههههههه لوتشوفين شكلها تموتين ضحك عليها أحس ودها الأرض تنشق وتبلعهامن الفشله
دلال:تستاهل
رنا بتوعد:ولسى ماشافت شئ مني
دلال تضحك بخبث:الله يعينها عليك
***************
نزلت لميس للحديقه وشافت ريم ورغد جالسين ع الكراسي
وفهد يلعب بالكره عندهم
راحت لهم تبتسم من ترحيب ريم اللي ترحب فيها
جلست علكرسي معاهم وسولفوا شوي قطع عليهم فهد اللي وقف جنب لميس ببراءة الأطفال:عارفه لميس بدخل للمدرسه
لميس تمثل الدهشه:والله يعني فهودي خلاص صار رجال وكبير
فهد انبسط:يعني بصير مثل فيصل وعادل ألبس ثوب وشماغ
لميس:هههههه أيوه وغتره كمان
فهد انبسط وراح يلعب في الكوره
ريم:غريبه تعرفي الشماغ والغتره وانتي عايشه في بريطانيا
لميس ضحكت:yah suor أممم رامي كان يلبسه with his friends في اليوم الوطني في بريطانيا and also my dad ‏ لما رجعنا للسعوديه
ريم:آها ههههه ماشاء الله أخوكي وطني ياحليله والله لو أخوي عادل كان نسى السعوديه بكبرها
رغد:ههههه عاد عادل مايحب يلبسه
لميس استغربت:whay بالعكس حلو أحسه يعطي السعوديين رزه وكشخه وشخصيه
ريم:هههههه عاد من يسمعك أخواني مايحبون يلبسونه إلا في المناسبات
لميس باستغراب:غريبه كنت أظن السعوديين يحبون يلبسونه ومايلبسون البناطيل والبدلات
إلا نادرا
رغد:هههههه لا صححي معلوماتك اللحين الشباب يحبون يلبسون البناطيل والبدلات وأماالثياب يلبسونها في المناسبات
ريم تذكرت شئ:أيوه صح لميس سجلتي في الجامعه
لميس:No لأن خالتي أم هدى مارضت
ريم:ولايهمك أكلم أبوي يسجلك معاي في الجامعه
لميس:تسلمين،،،but أبغى أروح لبيت خالتي بجيب أغراضي
ريم تطالع الساعه:أوكيه نروح اللحين وكمان في وقت نمر السوق نتسوق
رغد:أنا مارح أروح معاكم عمور بياخذني للبيت بعد شوي
قاموا البنات ودخلوا داخل يتجهزون
******************

رنا جالسه بغرفتها مقهووره أول مره أحد يمد إيده عليها وعلشان من علشان وحده فاجره أنا أوريها بنت ال...... إذا مادفعتها ثمن مد فيصل إيده علي ماأكون رنا بنت مشاري ال...... هين
دقت ع دلال تبغى أحد تقضفض له وماعندها غير دلال اللي مثل خباثتها كلمتها وحكت لها اللي صار
دلال مستغربه:غريبه فيصل حبوب مايسويها لو رعد كان قلت أيوه لأنه عصبي بس فيصل نو وي مستحيل
رنا متنرفزه ومقهووره لآخر حد:سااااحرتهم الساحره تخيلي أخواني قلبوا علي علشانها
رنا بخوف:أخاف بعد تسوي لرعد شئ
رنا:تخســــى أخوي رعد تعرفينه ماحد يقدر عليه
رنا بشوق:فديــــته
رنا مو لم حالميتها مقهوره:قاهرتني يادلال ودي أذبحها
دلال:يكون أحسن
****************
صحت لميس ومالقت ريم في الغرفه قامت وأخذت شور سريع ولبست تنوره بيضاء لنص الساق وبلوزه حمراء وفكت شعرها الكستنائي على أكتافها بأريحيه حطت كحل داخل عيونها زادها جمال وروج أحمر خفيف طالعت شكلها في المرايه وابتسمت تحس إنها رجعت لميس الأنيقه من جديد
ولون بشرتها الأبيض الصافي المشرب بحمره رجع وأشرق ووجهها بعد ماكان ذابل وأصفر من العذاب اللي شافته أخذت جوالها ونزلت
دخلت للصاله:السلام عليكم
عادل فتح فمه:يا حلو و و و و و
لميس انحرجت وجلست جنب ريم
ريم بنص عين:أقول سكر فمك لاتدخله ذبانه
رنا اللي مقهوره من مدح عادل للميس بسخريه:ع إيش ياحسره
لميس طنشتها ولا عطتها وجه
رفعت عيونها شافت فيصل يطالعها ابتسمت تطالعه"ياربي مثل نظرات رامي وابتسامته حست إنه رامي واللحين بقول لها باعجاب:قــــمــــر يالموسي ياحظ اللي بتكوني من نصيبه طالعه ع أخوك قمر"
ابتسمت بحزن وفيصل استغرب لما شاف الحزن في عيونها يبغى يعرف ليه كلما طالعته ابتسمت وسرحت وانقلبت ملامحها حزينه
ريم تحاكي لميس:وش رايك نطلع نتمشى
لميس انتبهت لها:Now
ريم:أيوه
لميس:بس أمل راح تجي اللحين
ريم توهاتتذكر:أيوه صح
فيصل ابتسم "يا الله وش كثر إشتقت لها ولهبالها"
قطع تفكيره صوت جوال ريم
ريم ردت:ياهلا ........هههههه.... طيب طيب باي
لميس: who
ريم بضحكه:أمل تقول عند الباب ياويلي منها معصبه عاد من حينها حاقده علي
نادت الخدامه وقالت لها تفتح الباب
قامت رنا بغرور وطلعت من الصاله
عادل قام:يالله تشاو
طلع وبقى فيصل حط نفسه منشغل في جواله مايبغى يقوم
دخلت امل معصبه بعد ما أعطت الخدامه عبايتها
دخلت للصاله معصبه:ريــــمــــو و و و و و و وه
لماشافت فيصل بوجهها بغى يغمى عليها لأنه شافها ورجعت بسرعه
البنات ماتوا من الضحك ع الموقف وفيصل بغى يقوم يرقص "أخيرا شفتها بنت اللذين تغيرت إحلــــو و و و وت وإلا شعرها البني الحرير يذ ذ ذبح" ريم ميته ضحك:هههههههههه ف فيصل هههه قوم لا تطلعك بالجزمه هههههه
فيصل ضحك وطلع مبسوط يتذكر شكل أمل كانت لابسه بنطلون أسود وبلوزه كت ورديه وشعرها البني مفتوح
دخلت أمل للصاله ووجهها طماطم من الحمره مسكت ريم تكفخها بقهر:يــــا حمــــا ا ا ا ا ا ا ا ا ا ا ا ا ا ا ا اره يــــا زففففففففففففتــــه ليش ماقلتي إن فيصل موجو و و و ود
ريم مو قادره تبعدها من الضحك:ههههههههههههه يادبه ابعدي ههههههه آ آ آه فضحتينا عند لميس
أمل تذكرت لميس وابعدت عن ريم ولفت ع لميس ووجههالسه أحمر انصدمت لماشافتها ماتوقعت تكون بالجمال هذا ولابالخيال
أمل مصدومه أشرت عليها:إنتي لميس
لميس ابتسمت:ايوه
أمل ببلاهه:احلفــــي إنك لميس وسعوديه بعد
ضحكت لميس :هههههه لهدرجه شكلي بريطاني موسعودي
ريم باعجاب:بســــم الله عليك
ماشاءالله
لميس ضحكت وسلمت عليها ضمتها ريم فجأه :ياهلاوالله ببنت عمي
جلسوا ولميس تطالع أمل كانت بيضاء ناعمه ع رجاجتها شعرها بني ناعم لتحت أكتافها ومقصص عيونها كبار وبنيه وانفها حلو نحيفه وطويله شوي شكلها نعووم
سولفوا وكانت أمل حبوبه بس مرجوجه يعني غريبه نعوم وتصرفاتها فيها رجاجه عكس نعومتها
ريم طالعت الساعه:يالله بنات ماتبغوا نروح للسوق
أمل شهقت:ياويــــلي ليش فهودي نايم كذا
لفوا البنات توهم ينتبهوا له نادت ريم المربيه وقالت لها تشيله لغرفته وتجيب عباياتهم
دقت ريم ع السواق:آلو راج وينك ....إيش...طيب طيب
سكرت منه بخيبه:مع أمي
أمل بخيبه:خساره فاتنا المزيون
ريم ضربت كتف أمل:وجع تراه سواق للحين منهبله
أمل تسوي نفسها دايخه:ياويلي مزيو و ون ماكد شفت هندي بالشرقيه حلو غير اللي بالأفلام
غيره
ريم:أقول جب بس مالك إلا سعودي
أمل:عارفه والنعم فيهم والله عيال أبو متعب
لفت ع لميس:أقول لموس ماعندك خال بريطاني مزيون
لميس ضحكت:لا
ريم ضربت كتف ريم:وجع وين اللي تقول (تقلد صوتها)والنعم فيهم عيال أبو متعب
أمل:هههههه لا بس بحسن النسل السعودي
ريم تخصرت:لا والله وش فيهم السعوديين وش حلاتهم أكبر مثال(وبغرور)أخواني
أمل بصدق:أيوه عاد أخوانك يهبلو و و و ن وإلا أخوك رعد(حطت إيدها ع قلبها)يذ ذ ذ ذ ذ ذ ذ ذ ذ ذ بح
ريم بغرور:قولي ماشاء الله
وفصولي بعد حلو وعدول
أمل كشرت:وع ع ع رعد أحلاهم
لميس ضحكت:أقول دبروا لنا أحد يوصلنا بدل مسابقة الجمال السعودي اللي مسوينها
أمل وريم:هههههههههه
لميس:دقي ع السواق الثاني
ريم:محمد مسافر في إجازه
أمل بقرف:وع وع ياكرهه
لميس:ليه ههههه موحلو
أمل بقرف:ياكرهه كذا ماأحبه
لميس وريم:ههههههههه
أمل:يالله مين يوصلنا
لميس تذكرت شئ:لحضه السواقين كلهم هنود أجل مين وصلني لماجيت هنا أول مره مو سعودي
ريم:لابس راج والباقي سعوديين
لميس مستغربه:كم سواق هنا
ريم تعد بصابعها:واحد سواق أبوي الخاص وكل واحد فينا له سواق خاص


الرجوع الى أعلى الصفحة اذهب الى الأسفل
 
جرحني وصار معشوقي (الجزء الثامن)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
احاسيس حلا :: المنتـــًدىَ الادبــــٌيِ :: قصـصَ - روايأتً - مواقف حرجه-
انتقل الى: